"Recíclate con
Sogama" é un programa de educación ambiental a través do cal se pretende
promover a participación e implicación da comunidade educativa na correcta
separación dos residuos xerados nos centros escolares, introducindo cada
fracción no contedor correspondente.
Para facilitar a
tarefa, Sogama nos enviou unha infraestrutura bautizada co nome de "illa
de reciclaxe", conformada á súa vez por tres contedores de 120 litros de
capacidade cada un
o amarelo,
para as latas, briks e envases de plástico;
o azul,
para o papel/cartón;
o e
verde, para a fracción non reciclable.
Están colocados no
recinto escolar ancorados á parede e dispoñen de sistemas antirrobo. Ademais
fornecéusenos dun compostador para o depósito da materia orgánica xerada,
permitíndonos así obter un abono de alta calidade que pretendemos empregar no
noso horto. Con isto temos a oportunidade de pechar o ciclo de recuperación e
reciclaxe dos restos orgánicos, evitando o depósito dos mesmos nos contedores
verdes convencionais.O fin último desta iniciativa é que o alumnado, ademais de
participar no sistema de recollida selectiva do centro, instaure na súa vida
cotiá, e na das súas familias, a separación do lixo como un hábito máis co que
contribuír ao incremento das taxas de reciclaxe en Galicia e, por tanto, aos
seus beneficios ambientais (aforro de enerxía e materias primas) e económicos
(diminución dos custos para os concellos). Ademais fumos informados do programa
mediante unha interesante exposición.
